ओखलढुंगा । जिल्लाको सुनकोसी गाउँपालिका ७ च्यानाममा १३ जना स्थानीय कांग्रेस प्रवेश गरेका छन् । संयुक्त गठबन्धनले गरेको प्रशिक्षण तथा कार्यकर्ता भेलामा एमाले परित्याग गरेर कांग्रेस प्रवेश गरेका हुन् ।
कांग्रेस प्रवेश गर्नेहरुमा २०४८ सालदेखि एमालेका संगठित सदस्य हस्तबहादुर श्रेष्ठ, शर्मिला श्रेष्ठ, यज्ञबहादुर बस्नेत लगायत रहेको ओखलढुंगा कांग्रेसका युवा नेता हुकुम राईले जानकारी दिनुभयो ।
उनीहरुलाई प्रतिनिधिसभा सदस्य उम्मेदवार रामहरि खतिवडा र प्रदेशसभा सदस्य उम्मेदवार बाबुराम गौतमले स्वागत गरेका थिए ।
