ओखलढुंगा, ३ असार । जिल्लाको सिद्धिचरण नगरपालिका ११ गोरुमारेभञ्ज्याङका २ जना बौद्धिक अपांगता भएका बालकका लागि सिद्धिचरण नगरपालिकाका मेयर तेजेन्द्र खनालले आर्थिक सहयोग गरेका छन् । उनले बालकको घरमै पुगेर बालकका आमा बुवावालाई आर्थिक सहयोग गरेका हुन् ।
मेयर खनालले बालकका बुवा शेरबहादुर विश्वकर्मालाई १० हजार हस्तान्तरण गरेका थिए । उनले शारीरिक रुपमा समेत अशक्त रहेका बालकको दयनीय अवस्था देखेर व्यक्तिगत सहयोग गरेको बताए । ‘चुनावको बेला उहाँहरुको घरमा पुगेको थिएँ,’ मेयर खनालले भने, ‘उहाँहरुको अवस्था देखेर सहयोग गरेको हुँ ।’
मेयर खनालको सहयोगबाट पीडित परिवार खुसी भएको छ ।
